faqat baat dil ki sunai thi tumko

faqat baat dil kī sunā.ī thī tum ko

tumhārī shikāyat lagā.ī thī tum ko

zamāna hameñ dosh detā hai kyūñkar

yahī baat ham ne batā.ī thī tum ko

mohabbat kā jhāñsa thā sab khel terā

jo guzrī thī dil par sunā.ī thī tum ko

bhalā kaise zinda maiñ tum ko milūñgā

paḌī raakh apnī dikhā.ī thī tum ko

tirī dastaras meñ na ā.ūñgā yaarā

yahī baat maiñ nai raTā.ī thī tum ko

na tum se huī paar nazroñ kī dahlīz

milī dil talak bhī rasā.ī thī tum ko

qabīle kī izzat bachā na sake tum

qasam yaad maiñ ne dilā.ī thī tum ko

yaqīñ thā asar tere dil par na hogā

magar jūThī chaa.e pilā.ī thī tum ko

tū jis baat par hai nā 'nāsir' se nālāñ

kabhī ye adā us kī bhaa.ī thī tum ko

faqat baat dil ki sunai thi tum ko

tumhaari shikayat lagai thi tum ko

zamana hamein dosh deta hai kyunkar

yahi baat hum ne batai thi tum ko

mohabbat ka jhansa tha sab khel tera

jo guzri thi dil par sunai thi tum ko

bhala kaise zinda main tum ko milunga

paDi rakh apni dikhai thi tum ko

teri dastaras mein na aaunga yara

yahi baat main nai raTai thi tum ko

na tum se hui par nazron ki dahliz

mili dil talak bhi rasai thi tum ko

qabile ki izzat bacha na sake tum

qasam yaad main ne dilai thi tum ko

yaqin tha asar tere dil par na hoga

magar juThi chae pilai thi tum ko

tu jis baat par hai na 'nasir' se nalan

kabhi ye ada us ki bhai thi tum ko