faqat jast bharne talak masala hai

faqat jast bharne talak mas.ala hai

kahāñ phir ye nān-o-namak mas.ala hai

paḌī hogī gudḌī ke nīche hī duniyā

uThā le uThā ke khisak mas.ala hai

ye shams-o-qamar haiñ furū’ī masā.il

miyāñ aadmī gunjlak mas.ala hai

pas-e-‘ishq-e-lailā chhupā kyoñ hai majnūñ

ye apne liye aaj tak mas.ala hai

yūñhī sub.h tak sab ko jalnā paḌegā

charāġho havā mushtarak mas.ala hai

na sābit ho jab tak aTal rah gumāñ par

dikhānā ziyāda lachak mas.ala hai

uThāne lagā thā qadam intihā.ī

khulā is tarah yak-ba-yak mas.ala hai

nikal to paḌā huuñ dubāra maiñ ḳhud se

magar yaar merī jhijhak mas.ala hai

yahī zahr amrit banegā kisī roz

piyāla bharā hai gaTak mas.ala hai

faqat jast bharne talak masala hai

kahan phir ye nan-o-namak masala hai

paDi hogi gudDi ke niche hi duniya

uTha le uTha ke khisak masala hai

ye shams-o-qamar hain furu’i masail

miyan aadmi gunjlak masala hai

pas-e-‘ishq-e-laila chhupa kyon hai majnun

ye apne liye aaj tak masala hai

yunhi subh tak sab ko jalna paDega

charagho hawa mushtarak masala hai

na sabit ho jab tak aTal rah guman par

dikhana ziyaada lachak masala hai

uThane laga tha qadam intihai

khula is tarah yak-ba-yak masala hai

nikal to paDa hun dubara main KHud se

magar yar meri jhijhak masala hai

yahi zahr amrit banega kisi roz

piyala bhara hai gaTak masala hai