faqat lafzi dalilon se koi qail nahin hota

faqat lafzī dalīloñ se koī qaa.il nahīñ hotā

kitābī zindagī jiine se kuchh hāsil nahīñ hotā

baḌā dushvār ho jaatā tamīz-e-nek-o-bad karnā

agar haq ke muqābil meñ koī bātil nahīñ hotā

agar taqsīm hotī rizq kī diinī usūloñ par

to phir duniyā meñ koī shaḳhs bhī saa.il nahīñ hotā

sadāqat maut kī dahlīz par elaan kartī hai

mirā jazba kisī hathiyār se ghāyal nahīñ hotā

zamāna dekhtā rahtā hai hoñToñ ke tabassum ko

magar TuuTe hue dil kī taraf maa.il nahīñ hotā

ye but hālāt hī insān ko behis banāte haiñ

vagarna pattharoñ jaisā kisī kā dil nahīñ hotā

jise dekho vo ġhurbat ke kafan meñ saañs letā hai

hamāre shahr meñ ab koī bhī qātil nahīñ hotā

yahāñ hai tairte rahnā baqā-e-zindagī 'sarvat'

zarūrat ke samundar kā koī sāhil nahīñ hotā

faqat lafzi dalilon se koi qail nahin hota

kitabi zindagi jine se kuchh hasil nahin hota

baDa dushwar ho jata tamiz-e-nek-o-bad karna

agar haq ke muqabil mein koi baatil nahin hota

agar taqsim hoti rizq ki dini usulon par

to phir duniya mein koi shaKHs bhi sail nahin hota

sadaqat maut ki dahliz par elan karti hai

mera jazba kisi hathiyar se ghayal nahin hota

zamana dekhta rahta hai honTon ke tabassum ko

magar TuTe hue dil ki taraf mail nahin hota

ye but haalat hi insan ko behis banate hain

wagarna pattharon jaisa kisi ka dil nahin hota

jise dekho wo ghurbat ke kafan mein sans leta hai

hamare shahr mein ab koi bhi qatil nahin hota

yahan hai tairte rahna baqa-e-zindagi 'sarwat'

zarurat ke samundar ka koi sahil nahin hota