fareb-e-waqt na kar KHud-sari ki baat na kar

fareb-e-vaqt na kar ḳhud-sarī kī baat na kar

tū ek lamha hai mujh se sadī kī baat na kar

musībat-o-ġham-o-iflās-o-zillat-o-fāqa

ye zindagī hai to phir zindagī kī baat na kar

amal ke daur meñ na.aroñ se khelnā hai gunāh

ye vaqt hosh kā hai be-hushī kī baat na kar

rah-e-haram hai purānī hai mai-kade kī galī

tū apnī raah le merī galī kī baat na kar

har ek ghūñT pe lete haiñ rind nām-e-ḳhudā

ye mai-kada hai yahāñ gumrahī kī baat na kar

abhī hai vaqt umar tauba kar gunāhoñ se

ḳhudā kā naam le bāda-kashī kī baat na kar

fareb-e-waqt na kar KHud-sari ki baat na kar

tu ek lamha hai mujh se sadi ki baat na kar

musibat-o-gham-o-iflas-o-zillat-o-faqa

ye zindagi hai to phir zindagi ki baat na kar

amal ke daur mein naron se khelna hai gunah

ye waqt hosh ka hai be-hushi ki baat na kar

rah-e-haram hai purani hai mai-kade ki gali

tu apni rah le meri gali ki baat na kar

har ek ghunT pe lete hain rind nam-e-KHuda

ye mai-kada hai yahan gumrahi ki baat na kar

abhi hai waqt umar tauba kar gunahon se

KHuda ka nam le baada-kashi ki baat na kar