fareb-e-yas kha jaen sitaro jagte rahna

fareb-e-yās khā jaa.eñ sitāro jāgte rahnā

jo ham dhoke meñ aa jaa.eñ sitāro jāgte rahnā

shab-e-va.ada shab-e-ġham kī tarah kuchh aur ruk jaao

vo mumkin hai ki aa jaa.eñ sitāro jāgte rahnā

kahīñ aisā na ho vo bhī na aa.eñ tum bhī so jaao

añdhere phir na chhā jaa.eñ sitāro jāgte rahnā

tumheñ to yaad hogā kis tarah ham jaagā karte the

vo shāyad tum se pā jaa.eñ sitāro jāgte rahnā

shab-e-āḳhir hai shāyad aaj ham ko niiñd aa jaa.e

agar ham Dagmagā jaa.eñ sitāro jāgte rahnā

kabhī to 'soz' yaad aa.egā un ko vo bhī jāgeñge

tumheñ itnā batā jaa.eñ sitāro jāgte rahnā

fareb-e-yas kha jaen sitaro jagte rahna

jo hum dhoke mein aa jaen sitaro jagte rahna

shab-e-wada shab-e-gham ki tarah kuchh aur ruk jao

wo mumkin hai ki aa jaen sitaro jagte rahna

kahin aisa na ho wo bhi na aaen tum bhi so jao

andhere phir na chha jaen sitaro jagte rahna

tumhein to yaad hoga kis tarah hum jaga karte the

wo shayad tum se pa jaen sitaro jagte rahna

shab-e-aKHir hai shayad aaj hum ko nind aa jae

agar hum Dagmaga jaen sitaro jagte rahna

kabhi to 'soz' yaad aaega un ko wo bhi jagenge

tumhein itna bata jaen sitaro jagte rahna