fareb tha aql-o-agahi ka ki meri fikr-o-nazar ka dhoka

fareb thā aql-o-āgahī kā ki merī fikr-o-nazar kā dhokā

jo āḳhir-e-shab kī chāñdnī par huā thā mujh ko sahar kā dhokā

maiñ bāġhbānoñ kī sāzishoñ ko siyāsatoñ ko samajh chukā huuñ

ḳhizāñ kā khā kar fareb-e-paiham uThā ke barq-o-sharar kā dhokā

shu.ūr-e-puḳhta kī ḳhair ho jis ne zindagī ko bachā liyā hai

tirī nigāh-e-karam-numā ne diyā to thā umr-bhar kā dhokā

du'āoñ ko haath uThā rahā huuñ ye ḳhud-farebī mulāhiza ho

fareb-e-taskīn kā burā ho maiñ khā rahā huuñ asar kā dhokā

dikhā.ī detī hai masḳh 'nayyar' hasīn sūrat bhī zindagī kī

qusūr hai aa.ine kā is meñ ki hai ye ā.īna-gar kā dhokā

fareb tha aql-o-agahi ka ki meri fikr-o-nazar ka dhoka

jo aaKHir-e-shab ki chandni par hua tha mujh ko sahar ka dhoka

main baghbanon ki sazishon ko siyasaton ko samajh chuka hun

KHizan ka kha kar fareb-e-paiham uTha ke barq-o-sharar ka dhoka

shuur-e-puKHta ki KHair ho jis ne zindagi ko bacha liya hai

teri nigah-e-karam-numa ne diya to tha umr-bhar ka dhoka

du'aon ko hath uTha raha hun ye KHud-farebi mulahiza ho

fareb-e-taskin ka bura ho main kha raha hun asar ka dhoka

dikhai deti hai masKH 'nayyar' hasin surat bhi zindagi ki

qusur hai aaine ka is mein ki hai ye aaina-gar ka dhoka