fariyaad aur tujhko sitamgar kahe baghair

fariyād aur tujh ko sitamgar kahe baġhair

mānūñ na hashr meñ tire muñh par kahe baġhair

dekho ye rang-e-ruḳh kā shagūfa ki merā 'ishq

zāhir huā hai kahne se baḌh kar kahe baġhair

muñh dekhtā hī rah gayā kahne ko jab gayā

palTā maiñ hālat-e-dil-e-muztar kahe baġhair

pakḌo mirī zabān to sūrat se hoshiyār

kholegī raaz ye sar-e-mahshar kahe baġhair

haklā ke aaj maiñ ne kahā us se apnā shauq

taskīn-e-dil huī na mukarrar kahe baġhair

sunñe ko tum kaho to mire dil kī ek baat

barsoñ se phir rahī hai zabāñ par kahe baġhair

kartā hai har savāl ye hujjat kī mashq vo

koī javāb hī nahīñ kyūñkar kahe baġhair

mā'shūq hī to kitnā hī bad-tar huā is kā jaur

bantī nahīñ hai baat hī behtar kahe baġhair

maanā ki dil shikan thiiñ sar-e-bazm phabtiyāñ

lekin na rah sakā koī mujh par kahe baġhair

maiñ ye samajh gayā ki vo ghar meñ nahīñ hai aaj

darbāñ ne ḳhud hī khol diyā dariyā kahe baġhair

kyā kyā kahe haiñ she'r hasīnoñ ke vasf meñ

kyā 'shauq' ho gayā hai suḳhanvar kahe baġhair

fariyaad aur tujh ko sitamgar kahe baghair

manun na hashr mein tere munh par kahe baghair

dekho ye rang-e-ruKH ka shagufa ki mera 'ishq

zahir hua hai kahne se baDh kar kahe baghair

munh dekhta hi rah gaya kahne ko jab gaya

palTa main haalat-e-dil-e-muztar kahe baghair

pakDo meri zaban to surat se hoshiyar

kholegi raaz ye sar-e-mahshar kahe baghair

hakla ke aaj main ne kaha us se apna shauq

taskin-e-dil hui na mukarrar kahe baghair

sunne ko tum kaho to mere dil ki ek baat

barson se phir rahi hai zaban par kahe baghair

karta hai har sawal ye hujjat ki mashq wo

koi jawab hi nahin kyunkar kahe baghair

ma'shuq hi to kitna hi bad-tar hua is ka jaur

banti nahin hai baat hi behtar kahe baghair

mana ki dil shikan thin sar-e-bazm phabtiyan

lekin na rah saka koi mujh par kahe baghair

main ye samajh gaya ki wo ghar mein nahin hai aaj

darban ne KHud hi khol diya dariya kahe baghair

kya kya kahe hain she'r hasinon ke wasf mein

kya 'shauq' ho gaya hai suKHanwar kahe baghair