fariyaad shikasta hai aawaz shikasta hai

fariyād shikasta hai āvāz shikasta hai

ġhamgīn hai har naġhma har saaz shikasta hai

kyā ye bhī zarūrī hai anjām shikasta ho

jis kaam kā ai himmat āġhāz shikasta hai

kis vaqt qafas ke dar sayyād ne khole haiñ

jab vā.e-nasīb apnī parvāz shikasta hai

qurbān thī kal jis par rif.at bhī sitāroñ kī

kyoñ aaj vahī ham-dam shahbāz shikasta hai

pahuñchegā bhalā kaise vo apnī bulandī tak

jis murġh-e-gulistāñ kī parvāz shikasta hai

kahne ko to maiñ apne siine meñ chhupā.e huuñ

ai dost haqīqat meñ har raaz shikasta hai

arbāb-e-samā.at kī kyoñ aañkh na bhar aa.e

is dard bhare dil kī āvāz shikasta hai

kaise ho 'sharīf' apnī har ek ġhazal achchhī

taḳh.īl hai afsurda parvāz shikasta hai

fariyaad shikasta hai aawaz shikasta hai

ghamgin hai har naghma har saz shikasta hai

kya ye bhi zaruri hai anjam shikasta ho

jis kaam ka ai himmat aaghaz shikasta hai

kis waqt qafas ke dar sayyaad ne khole hain

jab wae-nasib apni parwaz shikasta hai

qurban thi kal jis par rifat bhi sitaron ki

kyon aaj wahi ham-dam shahbaz shikasta hai

pahunchega bhala kaise wo apni bulandi tak

jis murgh-e-gulistan ki parwaz shikasta hai

kahne ko to main apne sine mein chhupae hun

ai dost haqiqat mein har raaz shikasta hai

arbab-e-samaat ki kyon aankh na bhar aae

is dard bhare dil ki aawaz shikasta hai

kaise ho 'sharif' apni har ek ghazal achchhi

taKHil hai afsurda parwaz shikasta hai