farogh-e-sozish-e-hindostan hun

faroġh-e-sozish-e-hindostāñ huuñ

mazāq-e-himmat-e-dard-e-jahāñ huuñ

ġham-e-ālam meñ garche nīm-jāñ huuñ

jahāñ meñ bā.is-e-zauq-e-jahāñ huuñ

azādār-e-ġham-e-insāñ huā huuñ

maiñ sham.a-e-kushta-e-ġham kā dhuāñ huuñ

har-ik ke ġham meñ aisā kho gayā huuñ

miyān-e-sham.a-e-hastī soz-e-jāñ huuñ

yahāñ par mashriq-o-maġhrib kahāñ haiñ

yahī ab sochtā huuñ maiñ kahāñ huuñ

jinheñ manzil ġhubār-e-kārvāñ hai

maiñ aise qāfiloñ ke darmiyāñ huuñ

mirī miTTī meñ bhī zauq-e-vatan hai

maiñ miT kar bhī sharīk-e-kārvāñ huuñ

jahāñ ke zauq meñ be-ḳhud huā huuñ

naqīb-e-zauq fardā-e-jahāñ huuñ

jahāñ imkān-e-had-bandī nahīñ hai

varā-e-hadd-e-imkān-e-jahāñ huuñ

farogh-e-sozish-e-hindostan hun

mazaq-e-himmat-e-dard-e-jahan hun

gham-e-alam mein garche nim-jaan hun

jahan mein bais-e-zauq-e-jahan hun

azadar-e-gham-e-insan hua hun

main shama-e-kushta-e-gham ka dhuan hun

har-ik ke gham mein aisa kho gaya hun

miyan-e-shama-e-hasti soz-e-jaan hun

yahan par mashriq-o-maghrib kahan hain

yahi ab sochta hun main kahan hun

jinhen manzil ghubar-e-karwan hai

main aise qafilon ke darmiyan hun

meri miTTi mein bhi zauq-e-watan hai

main miT kar bhi sharik-e-karwan hun

jahan ke zauq mein be-KHud hua hun

naqib-e-zauq farda-e-jahan hun

jahan imkan-e-had-bandi nahin hai

wara-e-hadd-e-imkan-e-jahan hun