fasana-e-gham-e-dil muKHtasar nahin hota
fasāna-e-ġham-e-dil muḳhtasar nahīñ hotā
ab us galī se hamārā guzar nahīñ hotā
hazār aise ki phirte haiñ jo ḳhalāoñ meñ
magar ik ham ki vatan meñ safar nahīñ hotā
jise masīl samajhte ho be-misāl hai vo
jo ek baar ho bār-e-digar nahīñ hotā
ḳhud apnā saath bhī ham ko girāñ guzartā hai
safar vahī hai jahāñ ham-safar nahīñ hotā
amiir us kā lahū pī rahā hai barsoñ se
magar ġharīb pe koī asar nahīñ hotā
ḳhalā se guzre haiñ mirrīḳh par bhī pahuñche haiñ
magar kisī kā falak par guzar nahīñ hotā
fasana-e-gham-e-dil muKHtasar nahin hota
ab us gali se hamara guzar nahin hota
hazar aise ki phirte hain jo KHalaon mein
magar ek hum ki watan mein safar nahin hota
jise masil samajhte ho be-misal hai wo
jo ek bar ho bar-e-digar nahin hota
KHud apna sath bhi hum ko giran guzarta hai
safar wahi hai jahan ham-safar nahin hota
amir us ka lahu pi raha hai barson se
magar gharib pe koi asar nahin hota
KHala se guzre hain mirriKH par bhi pahunche hain
magar kisi ka falak par guzar nahin hota
- Book : Sada-e-sher-e-fusu.n (Pg. 45)
- Author : Khalid Hassan Qadrii
- Publication : Asif Javed (2001)
- Edition : 2001
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
