fasane jaan-nawardi ke raqam hote rahenge

fasāne jāñ-navardī ke raqam hote raheñge

so ham jaisoñ ke yūñhī sar qalam hote raheñge

tumhārā hijr murjhā degā ham jaisoñ ko lekin

tumhārī yaad se ham tāza-dam hote raheñge

bahut rote raheñge ham bhī un kī ik nazar ko

magar auroñ pe hī un ke karam hote raheñge

yūñhī qaa.em rahegī raunaq-e-mahfil tumhārī

yūñhī paidā yahāñ par ahl-e-ġham hote raheñge

yūñhī karte raheñge roz-o-shab ham ġham-gusārī

ġham-e-daurāñ ġham-e-hijrāñ baham hote raheñge

tumhārī nāz-bardārī ko yūñhī shāhzādī

ham aise shāhzādoñ ke janam hote raheñge

'doraib' is mahfil-e-duniyā meñ kuchh ho yā nahīñ ho

hamāre tazkire to besh-o-kam hote raheñge

fasane jaan-nawardi ke raqam hote rahenge

so hum jaison ke yunhi sar qalam hote rahenge

tumhaara hijr murjha dega hum jaison ko lekin

tumhaari yaad se hum taza-dam hote rahenge

bahut rote rahenge hum bhi un ki ek nazar ko

magar auron pe hi un ke karam hote rahenge

yunhi qaem rahegi raunaq-e-mahfil tumhaari

yunhi paida yahan par ahl-e-gham hote rahenge

yunhi karte rahenge roz-o-shab hum gham-gusari

gham-e-dauran gham-e-hijran baham hote rahenge

tumhaari naz-bardari ko yunhi shahzadi

hum aise shahzadon ke janam hote rahenge

'doraib' is mahfil-e-duniya mein kuchh ho ya nahin ho

hamare tazkire to besh-o-kam hote rahenge