fasl-e-bahaar aai ghunche khile chaman mein

fasl-e-bahār aa.ī ġhunche khile chaman meñ

bichhḌe hue musāfir phir aa ga.e vatan meñ

ghir kar sahāb aaya jām-e-sharāb laayā

le kar rabāb aaya mutrib bhī anjuman meñ

bād-e-sahar ḳhirāmāñ har shāḳh-e-gul badāmāñ

bāham haiñ ahd-o-paimāñ nasrīn-o-nastaran meñ

har ġhuncha terā shaidā har gul meñ tū hai paidā

hai terī bū huvaidā har barg-e-yāsman meñ

rindoñ ko hosh terā mastoñ ko josh terā

har-sū ḳharosh terā sahrā meñ aur chaman meñ

un ko jafā kī aadat apnī vafā kī ḳhaslat

vo chaaq apne fan meñ ham taaq apne fan meñ

manzar sukūt-e-ġham kā sahrā meñ jā ke dekho

ġhunchoñ kī muskurāhaT bekār hai chaman meñ

har zarre ke laboñ par hai ik sadā-e-mastī

mīnā-ba-dosh koī aatā hai anjuman meñ

kyoñ ārzūeñ laa.e kyoñ ranj-o-ġham uThā.e

ham kyoñ vatan meñ aa.e jab kuchh nahīñ vatan meñ

āzād thī to us kī parvāz arsh par thī

rūh-e-ravāñ muqayyad kyoñ ho ga.ī badan meñ

roz-e-azal se ham ko nafrat hai iltijā se

matlab kī baat aakar rah jaatī hai dahan meñ

'mas.ūd' hai ye afzal ho mid.hat-e-mohammad

jab tak zabān terī qaa.em rahe dahan meñ

fasl-e-bahaar aai ghunche khile chaman mein

bichhDe hue musafir phir aa gae watan mein

ghir kar sahab aaya jam-e-sharab laya

le kar rabab aaya mutrib bhi anjuman mein

baad-e-sahar KHiraman har shaKH-e-gul badaman

baham hain ahd-o-paiman nasrin-o-nastaran mein

har ghuncha tera shaida har gul mein tu hai paida

hai teri bu huwaida har barg-e-yasman mein

rindon ko hosh tera maston ko josh tera

har-su KHarosh tera sahra mein aur chaman mein

un ko jafa ki aadat apni wafa ki KHaslat

wo chaq apne fan mein hum taq apne fan mein

manzar sukut-e-gham ka sahra mein ja ke dekho

ghunchon ki muskurahaT bekar hai chaman mein

har zarre ke labon par hai ek sada-e-masti

mina-ba-dosh koi aata hai anjuman mein

kyon aarzuen lae kyon ranj-o-gham uThae

hum kyon watan mein aae jab kuchh nahin watan mein

aazad thi to us ki parwaz arsh par thi

ruh-e-rawan muqayyad kyon ho gai badan mein

roz-e-azal se hum ko nafrat hai iltija se

matlab ki baat aakar rah jati hai dahan mein

'masud' hai ye afzal ho midhat-e-mohammad

jab tak zaban teri qaem rahe dahan mein