fasl-e-bahaar aate hi aalam badal gaya

fasl-e-bahār aate hī 'ālam badal gayā

niklā thā ghar se maiñ ki garebāñ nikal gayā

allah-re barq-e-husn kī ye garm-joshiyāñ

muusā ko hosh bhī na rahā tuur jal gayā

but-ḳhāne kī talāsh meñ vo be-ḳhudī rahī

maiñ do qadam haram se bhī aage nikal gayā

dekhī ga.ī na gor-e-ġharībāñ kī bebasī

guzrā udhar se maiñ to mirā jī dahal gayā

dil meñ na hai umiid na hasrat na aarzū

jo kuchh thā soz-e-ġham se vo sāmān jal gayā

vaqt-e-aḳhīr mujh ko jo hāsil huā sukūn

ahbāb dil meñ samjhe ki ye ab sañbhal gayā

dil meñ bharī huī thī shahādat kī aarzū

qātil ko apne dekh ke 'bismil' machal gayā

fasl-e-bahaar aate hi 'alam badal gaya

nikla tha ghar se main ki gareban nikal gaya

allah-re barq-e-husn ki ye garm-joshiyan

musa ko hosh bhi na raha tur jal gaya

but-KHane ki talash mein wo be-KHudi rahi

main do qadam haram se bhi aage nikal gaya

dekhi gai na gor-e-ghariban ki bebasi

guzra udhar se main to mera ji dahal gaya

dil mein na hai umid na hasrat na aarzu

jo kuchh tha soz-e-gham se wo saman jal gaya

waqt-e-aKHir mujh ko jo hasil hua sukun

ahbab dil mein samjhe ki ye ab sanbhal gaya

dil mein bhari hui thi shahadat ki aarzu

qatil ko apne dekh ke 'bismil' machal gaya