fasl-e-gul aai hawa aur hui

fasl-e-gul aa.ī havā aur huī

bāġh-e-ālam kī fazā aur huī

aañkh kā saath jo surme ne diyā

zab.h maḳhlūq-e-ḳhudā aur huī

aa.ina toḌne se dil TuuTā

banda-parvar ye ḳhatā aur huī

hai tap-e-hijr mile sharbat-e-vasl

kuchh na hogā jo davā aur huī

ḳhaak jab āshiq-e-vahshī ko milī

tez-rau bād-e-sabā aur huī

naza.a meñ pūchhne aa.e haiñ vo haal

jab qazā aa.ī adā aur huī

dil ko dekhā jo gunah se tārīk

ruuh qālib se ḳhafā aur huī

dast-e-qātil ko rañgā ḳhuuñ ne mire

surḳh-rū is se hinā aur huī

qatl-e-'tālib' ko nazar kaafī thī

mustazād us pe hayā aur huī

fasl-e-gul aai hawa aur hui

bagh-e-alam ki faza aur hui

aankh ka sath jo surme ne diya

zabh maKHluq-e-KHuda aur hui

aaina toDne se dil TuTa

banda-parwar ye KHata aur hui

hai tap-e-hijr mile sharbat-e-wasl

kuchh na hoga jo dawa aur hui

KHak jab aashiq-e-wahshi ko mili

tez-rau baad-e-saba aur hui

naza mein puchhne aae hain wo haal

jab qaza aai ada aur hui

dil ko dekha jo gunah se tarik

ruh qalib se KHafa aur hui

dast-e-qatil ko ranga KHun ne mere

surKH-ru is se hina aur hui

qatl-e-'talib' ko nazar kafi thi

mustazad us pe haya aur hui