fasl-e-gul aai magar chaak-gareban na hue

fasl-e-gul aa.ī magar chāk-garebāñ na hue

log the itne pareshāñ ki pareshāñ na hue

bas yuuñ hī baḌhtī rahī baḌhtī rahī tārīkī

aur kuchh sub.h ke āsār numāyāñ na hue

ham bhī āvāra hī phirte haiñ sabā kī mānind

ham bhī minnat-kash-e-arbāb-e-gulistāñ na hue

terī āvāz kisī ne na sunī ho jaise

ham tirī bazm meñ jis din se ġhazal-ḳhvāñ na hue

jis qadar aaj pareshān hai har ahl-e-nazar

is qadar to tire gesū bhī pareshāñ na hue

kab huā ham ko ġham-e-tīrah-shabī ai 'nashtar'

un kī yādoñ ke diye kab sar-e-mizhgāñ na hue

fasl-e-gul aai magar chaak-gareban na hue

log the itne pareshan ki pareshan na hue

bas yun hi baDhti rahi baDhti rahi tariki

aur kuchh subh ke aasar numayan na hue

hum bhi aawara hi phirte hain saba ki manind

hum bhi minnat-kash-e-arbab-e-gulistan na hue

teri aawaz kisi ne na suni ho jaise

hum teri bazm mein jis din se ghazal-KHwan na hue

jis qadar aaj pareshan hai har ahl-e-nazar

is qadar to tere gesu bhi pareshan na hue

kab hua hum ko gham-e-tirah-shabi ai 'nashtar'

un ki yaadon ke diye kab sar-e-mizhgan na hue