fasl-e-gul mein har ghaDi ye abr-o-baran phir kahan
fasl-e-gul meñ har ghaḌī ye abr-o-bārāñ phir kahāñ
dekh lo ḳhush ho ke yārāñ ye bahārāñ phir kahāñ
hai sa.ādat qumriyo us ke tasadduq ho chalo
varna koī din ko ye sarv-e-ḳhirāmāñ phir kahāñ
aaj aatī hai nazar mujh dil ke shīshe meñ parī
dekh lo lahza meñ ye sūrat numāyāñ phir kahāñ
maiñ chaman meñ pī ke mai ko is liye kartā huuñ sair
kaun jaane sāqiyā ye gul-azārāñ phir kahāñ
qaul hai hazrat 'yaqīñ' kā tab to yuuñ kahtā hai 'nain'
bhar ke dil ro lījiye ye chashm-e-giryāñ phir kahāñ
fasl-e-gul mein har ghaDi ye abr-o-baran phir kahan
dekh lo KHush ho ke yaran ye bahaaran phir kahan
hai saadat qumriyo us ke tasadduq ho chalo
warna koi din ko ye sarw-e-KHiraman phir kahan
aaj aati hai nazar mujh dil ke shishe mein pari
dekh lo lahza mein ye surat numayan phir kahan
main chaman mein pi ke mai ko is liye karta hun sair
kaun jaane saqiya ye gul-azaran phir kahan
qaul hai hazrat 'yaqin' ka tab to yun kahta hai 'nain'
bhar ke dil ro lijiye ye chashm-e-giryan phir kahan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
