faza ajib si manzar ajib dekhte hain

fazā ajiib sī manzar ajiib dekhte haiñ

ham hāsidīn ko apne qarīb dekhte haiñ

ḳhulūs bāñTte phirte haiñ is ke baad bhī ham

agarche sāmne apne salīb dekhte haiñ

tumheñ gila hai raqīboñ kī tang-nazarī kā

hameñ to tang nazar se habīb dekhte haiñ

ajab nigāh se takte haiñ mujh ko ahl-e-suḳhan

ajab nigāh se mujh ko adiib dekhte haiñ

haqāratoñ ke sivā aur kuchh nahīñ paate

kabhī jo kāsa-e-dil meñ ġharīb dekhte haiñ

kahāñ nikaltā hai sūraj hamārī kāvish kā

kahāñ chamaktā hai jā kar nasīb dekhte haiñ

faza ajib si manzar ajib dekhte hain

hum hasidin ko apne qarib dekhte hain

KHulus banTte phirte hain is ke baad bhi hum

agarche samne apne salib dekhte hain

tumhein gila hai raqibon ki tang-nazari ka

hamein to tang nazar se habib dekhte hain

ajab nigah se takte hain mujh ko ahl-e-suKHan

ajab nigah se mujh ko adib dekhte hain

haqaraton ke siwa aur kuchh nahin pate

kabhi jo kasa-e-dil mein gharib dekhte hain

kahan nikalta hai suraj hamari kawish ka

kahan chamakta hai ja kar nasib dekhte hain