faza badle hawa badle makan badle zaman badle

fazā badle havā badle makāñ badle zamāñ badle

zarā tum muskurā to do ki rang-e-āsmāñ badle

na phūloñ meñ vo bū baaqī na tāroñ meñ ziyā baaqī

nigāh-e-nāz kyā badlī zamīn-o-āsmāñ badle

kaho to kuchh milā bhī jāñ-nisāroñ par sitam kar ke

na kuchh hāsil ho jis se ab vo tarz-e-imtihāñ badle

vahī ham haiñ vahī nākāmiyāñ haiñ aur vahī ġham hai

na daur-e-āsmāñ badlā na daur-e-āsmāñ badle

ḳhudā kyā aur but kyā dair-o-ka.aba kyā kalīsā kyā

nazar aa.e tumhīñ 'nāshād' ko nām-o-nishāñ badle

faza badle hawa badle makan badle zaman badle

zara tum muskura to do ki rang-e-asman badle

na phulon mein wo bu baqi na taron mein ziya baqi

nigah-e-naz kya badli zamin-o-asman badle

kaho to kuchh mila bhi jaan-nisaron par sitam kar ke

na kuchh hasil ho jis se ab wo tarz-e-imtihan badle

wahi hum hain wahi nakaamiyan hain aur wahi gham hai

na daur-e-asman badla na daur-e-asman badle

KHuda kya aur but kya dair-o-kaba kya kalisa kya

nazar aae tumhin 'nashad' ko nam-o-nishan badle