faza-e-dahr mein bekar diwane nahin aae

fazā-e-dahr meñ bekār dīvāne nahīñ aa.e

samajhne aa.e haiñ duniyā ko samjhāne nahīñ aa.e

ḳhudāvandā na rakhnā un butoñ se tū judā ham ko

ki ham jannat meñ ulfat kī sazā paane nahīñ aa.e

zamīñ se āsmāñ tak ek vīrānī sī thī taarī

hudūd-e-kun meñ jab tak un ke dīvāne nahīñ aa.e

ye un kī bazm hai kuchh terā mai-ḳhāna nahīñ saaqī

yahāñ apne nahīñ aa.e ki begāne nahīñ aa.e

bahāroñ ko chaman meñ aa.e ik muddat huī lekin

bahāreñ jin pe qurbāñ hoñ vo dīvāne nahīñ aa.e

taḌap kar rah gayā dil be-hisī-e-ishq par aksar

huzūr-e-husn jab ulfat ke nazrāne nahīñ aa.e

sunātā kis tarah rūdād-e-ulfat un ko ai 'mūsā'

ki ro.ab-e-husn se hoñToñ pe afsāne nahīñ aa.e

faza-e-dahr mein bekar diwane nahin aae

samajhne aae hain duniya ko samjhane nahin aae

KHudawanda na rakhna un buton se tu juda hum ko

ki hum jannat mein ulfat ki saza pane nahin aae

zamin se aasman tak ek virani si thi tari

hudud-e-kun mein jab tak un ke diwane nahin aae

ye un ki bazm hai kuchh tera mai-KHana nahin saqi

yahan apne nahin aae ki begane nahin aae

bahaaron ko chaman mein aae ek muddat hui lekin

bahaaren jin pe qurban hon wo diwane nahin aae

taDap kar rah gaya dil be-hisi-e-ishq par aksar

huzur-e-husn jab ulfat ke nazrane nahin aae

sunata kis tarah rudad-e-ulfat un ko ai 'musa'

ki roab-e-husn se honTon pe afsane nahin aae