faza-e-qurb mein betabi-e-dil baDhti jati hai

fazā-e-qurb meñ betābī-e-dil baḌhtī jaatī hai

mohabbat kī taḌap manzil-ba-manzil baḌhtī jaatī hai

udhar bārish musalsal jalva-hā-e-be-mahābā kī

idhar mahdūd nazāre kī mushkil baḌhtī jaatī hai

pahuñchtā jā rahā huuñ auj-e-idrāk-e-haqīqat tak

barābar himmat-e-qat.a-e-manāzil baḌhtī jaatī hai

idhar mere liye chashm-e-talab ḳhuub anjuman un kī

udhar begāngi-e-ahl-e-mahfil baḌhtī jaatī hai

yahī mausam hai barq-o-āshiyāñ ke chheḌ kā mausam

bahār aa.ī to kuchh fikr-e-anādil baḌhtī jaatī hai

jalāne ko to parvāna jo paa.e sab jalā Daale

magar afsurdagi-e-sham.a-e-mahfil baḌhtī jaatī hai

talāsh-e-jū-e-shīr āsāñ jo azm-e-kohkan bhī ho

suhūlat DhūñDne vāloñ kī mushkil baḌhtī jaatī hai

bahār-e-tāza aane ko hai phir 'ārif' gulistāñ meñ

bahar-sū naġhma-sanji-e-anādil baḌhtī jaatī hai

faza-e-qurb mein betabi-e-dil baDhti jati hai

mohabbat ki taDap manzil-ba-manzil baDhti jati hai

udhar barish musalsal jalwa-ha-e-be-mahaba ki

idhar mahdud nazare ki mushkil baDhti jati hai

pahunchta ja raha hun auj-e-idrak-e-haqiqat tak

barabar himmat-e-qata-e-manazil baDhti jati hai

idhar mere liye chashm-e-talab KHub anjuman un ki

udhar begangi-e-ahl-e-mahfil baDhti jati hai

yahi mausam hai barq-o-ashiyan ke chheD ka mausam

bahaar aai to kuchh fikr-e-anadil baDhti jati hai

jalane ko to parwana jo pae sab jala Dale

magar afsurdagi-e-shama-e-mahfil baDhti jati hai

talash-e-ju-e-shir aasan jo azm-e-kohkan bhi ho

suhulat DhunDne walon ki mushkil baDhti jati hai

bahaar-e-taza aane ko hai phir 'arif' gulistan mein

bahar-su naghma-sanji-e-anadil baDhti jati hai