faza-e-sahn-e-chaman aaj sazgar nahin

fazā-e-sahn-e-chaman aaj sāzgār nahīñ

yahāñ bahār to hai raunaq-e-bahār nahīñ

ho laakh husn-e-sifat aap zī-vaqār nahīñ

amīr-e-shahr kī saf meñ agar shumār nahīñ

sukūn chhin gayā āsā.ishoñ ke milne se

hai kaun aaj ġhamoñ se jo ham-kanār nahīñ

tabāhiyoñ kī taraf gāmzan hai ye duniyā

jahāñ ye amn ho aisā koī dayār nahīñ

ho is tarah se nigāh-e-jahāñ meñ qadr mirī

ḳhudā-e-vaqt huuñ maiñ koī shahr-yār nahīñ

har ek chashm-e-karam meñ fareb pinhāñ hai

koī kisī kā haqīqat meñ ġham-gusār nahīñ

milegī kaise yahāñ par kisī ko pyaar kī chhāñv

shajar ḳhulūs kā ab koī sāya-dār nahīñ

ise hī kaifiyat-e-ishq kahte haiñ shāyad

hameñ sukūn nahīñ hai unheñ qarār nahīñ

abhī to kam hai tire tīr-e-nīm-kash kā asar

abhī ye dil mirā tūfāñ se ham-kanār nahīñ

ab itnī gir ga.ī ye sat.h-e-dostī apnī

hameñ yaqīn nahīñ un ko e.atibār meñ

shab-e-firāq Darā.e na ḳhvāb-e-vahshat se

hameñ to ḳhvāb kī bātoñ kā e.atibār nahīñ

ḳhudā ke ḳhauf se aarī hai us kā dil 'ahsan'

ḳhatā pe apnī zarā bhī jo sharmsār nahīñ

faza-e-sahn-e-chaman aaj sazgar nahin

yahan bahaar to hai raunaq-e-bahaar nahin

ho lakh husn-e-sifat aap zi-waqar nahin

amir-e-shahr ki saf mein agar shumar nahin

sukun chhin gaya aasaishon ke milne se

hai kaun aaj ghamon se jo ham-kanar nahin

tabahiyon ki taraf gamzan hai ye duniya

jahan ye amn ho aisa koi dayar nahin

ho is tarah se nigah-e-jahan mein qadr meri

KHuda-e-waqt hun main koi shahr-yar nahin

har ek chashm-e-karam mein fareb pinhan hai

koi kisi ka haqiqat mein gham-gusar nahin

milegi kaise yahan par kisi ko pyar ki chhanw

shajar KHulus ka ab koi saya-dar nahin

ise hi kaifiyat-e-ishq kahte hain shayad

hamein sukun nahin hai unhen qarar nahin

abhi to kam hai tere tir-e-nim-kash ka asar

abhi ye dil mera tufan se ham-kanar nahin

ab itni gir gai ye sath-e-dosti apni

hamein yaqin nahin un ko eatibar mein

shab-e-firaq Darae na KHwab-e-wahshat se

hamein to KHwab ki baaton ka eatibar nahin

KHuda ke KHauf se aari hai us ka dil 'ahsan'

KHata pe apni zara bhi jo sharmsar nahin