faza mein naghma-e-awaz-e-pa hai mere liye
fazā meñ naġhma-e-āvāz-e-pā hai mere liye
karāñ se tā-ba-karāñ ik nidā hai mere liye
maiñ apnī zaat meñ lauTā to phir milā na mujhe
vo ek shaḳhs jo rotā rahā hai mere liye
sabab hai ranj kā kuchh ḳhū-e-iztirāb mirī
kuchh apne aap se bhī vo ḳhafā hai mere liye
falak tamām hai āġhosh-e-bāb-e-mahrūmī
shajar shajar yahāñ dast-e-duā hai mere liye
kisī firāq kī tamhīd ban ke rah jaanā
tire visāl kī taskīñ bhī kyā hai mere liye
faza mein naghma-e-awaz-e-pa hai mere liye
karan se ta-ba-karan ek nida hai mere liye
main apni zat mein lauTa to phir mila na mujhe
wo ek shaKHs jo rota raha hai mere liye
sabab hai ranj ka kuchh KHu-e-iztirab meri
kuchh apne aap se bhi wo KHafa hai mere liye
falak tamam hai aaghosh-e-bab-e-mahrumi
shajar shajar yahan dast-e-dua hai mere liye
kisi firaq ki tamhid ban ke rah jaana
tere visal ki taskin bhi kya hai mere liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
