faza mein parindon ki chahkar kya thi

fazā meñ parindoñ kī chahkār kyā thī

kahānī sī dariyā ke us paar kyā thī

achānak nikal aaya bastī meñ sūraj

mirī ārzūoñ kī raftār kyā thī

jo iqrār kī sab hadeñ miT ga.iiñ thiiñ

shab-e-vasl vo tarz-e-inkār kyā thī

manānā paḌā fat.h kā jashn mujh ko

mirī jiit kyā thī mirī haar kyā thī

hamesha mujhe hijr meñ us ne rakkhā

na jaane mohabbat kī mahkār kyā thī

bhare shahr meñ rah gayā vo akelā

vo laḌkī kisī kī taraf-dār kyā thī

kabhī tere sapne mayassar na aa.e

mire saath shab-hā-e-bedār kyā thī

koī dard thā yā sañdesa thā koī

un āñkhoñ meñ ashkoñ bharī dhaar kyā thā

kabhī mujh pe khul jā ai sub.h-e-gurezāñ

batā rat-jagoñ kī vo takrār kyā thī

'sadaf' maiñ kabhī ḳhud se milne na paa.ī

mire darmiyāñ koī dīvār kyā thī

raqīb aa.e merī ayādat kī ḳhātir

ye 'suġhrā-sadaf' terī bīmār kyā thī

faza mein parindon ki chahkar kya thi

kahani si dariya ke us par kya thi

achanak nikal aaya basti mein suraj

meri aarzuon ki raftar kya thi

jo iqrar ki sab haden miT gain thin

shab-e-wasl wo tarz-e-inkar kya thi

manana paDa fath ka jashn mujh ko

meri jit kya thi meri haar kya thi

hamesha mujhe hijr mein us ne rakkha

na jaane mohabbat ki mahkar kya thi

bhare shahr mein rah gaya wo akela

wo laDki kisi ki taraf-dar kya thi

kabhi tere sapne mayassar na aae

mere sath shab-ha-e-bedar kya thi

koi dard tha ya sandesa tha koi

un aankhon mein ashkon bhari dhaar kya tha

kabhi mujh pe khul ja ai subh-e-gurezan

bata rat-jagon ki wo takrar kya thi

'sadaf' main kabhi KHud se milne na pai

mere darmiyan koi diwar kya thi

raqib aae meri ayaadat ki KHatir

ye 'sughra-sadaf' teri bimar kya thi