fikr hai yaron ko darbar se kuchh kaam mile

fikr hai yāroñ ko darbār se kuchh kaam mile

aur jitnā bhī mile un ko hī in.aam mile

maiñ paḌā rahtā huuñ bas gosha-e-tanhā.ī meñ

chāhtā huuñ ki hamesha mujhe ārām mile

sub.h ke vaqt mile hote to ik baat bhī thī

mujh se kuchh log mile bhī to sar-e-shām mile

muntazir huuñ ki ḳharīdār koī haath aa.e

ya.anī bāzār se ab kuchh to mujhe daam mile

zindagī tujh se bahut ruuTh ke maiñ bhāgā thā

raah meñ phir bhī bahut se ġham-o-ālām mile

fikr hai yaron ko darbar se kuchh kaam mile

aur jitna bhi mile un ko hi inam mile

main paDa rahta hun bas gosha-e-tanhai mein

chahta hun ki hamesha mujhe aaram mile

subh ke waqt mile hote to ek baat bhi thi

mujh se kuchh log mile bhi to sar-e-sham mile

muntazir hun ki KHaridar koi hath aae

yani bazar se ab kuchh to mujhe dam mile

zindagi tujh se bahut ruTh ke main bhaga tha

rah mein phir bhi bahut se gham-o-alam mile