fikr kar uqba ki izzat ka agar arman hai

fikr kar uqbā kī izzat kā agar armān hai

chaar din duniyā-e-fānī kā bashar mehmān hai

ḳhair-o-shar kā jā.eza letā rahā jo har-nafas

chashm-e-haq-āgāh meñ be-shak vahī insān hai

aa.e haiñ duniyā meñ ham to kaam bhī achchhe kareñ

varna samjho zindagī gumnām hai be-jān hai

jin ko rusvā kar rahā hai ḳhud-parastī kā nasha

un se ummīd-e-vafā jo rakkhe vo nādān hai

mauj-e-ġham se sirf Takrānā nahīñ koī kamāl

pur-sukūñ māhaul bhī ai dosto tūfān hai

jis ne kal apnī mohabbat se kiyā thā āshnā

va.ada-e-mehr-o-vafā se aaj vo anjān hai

jaane vaale apnī yādeñ de ga.e taskīn ko

merī tanhā zindagī par un kā ye ehsān hai

is tarah tablīġh-e-dīñ 'ayyūb' ho saktī nahīñ

teġh hai ik haath meñ ik haath meñ qur.ān hai

fikr kar uqba ki izzat ka agar arman hai

chaar din duniya-e-fani ka bashar mehman hai

KHair-o-shar ka jaeza leta raha jo har-nafas

chashm-e-haq-agah mein be-shak wahi insan hai

aae hain duniya mein hum to kaam bhi achchhe karen

warna samjho zindagi gumnam hai be-jaan hai

jin ko ruswa kar raha hai KHud-parasti ka nasha

un se ummid-e-wafa jo rakkhe wo nadan hai

mauj-e-gham se sirf Takrana nahin koi kamal

pur-sukun mahaul bhi ai dosto tufan hai

jis ne kal apni mohabbat se kiya tha aashna

wada-e-mehr-o-wafa se aaj wo anjaan hai

jaane wale apni yaaden de gae taskin ko

meri tanha zindagi par un ka ye ehsan hai

is tarah tabligh-e-din 'ayyub' ho sakti nahin

tegh hai ek hath mein ek hath mein quran hai