fikr kya isko ye dil aur jigar kya hoga

fikr kyā is kī ye dil aur jigar kyā hogā

tere saudā.ī ko andesha-e-sar kyā hogā

dasht-paimā.ī se dīvāne ko hāsil kyā hai

koī manzil nahīñ jis kī vo safar kyā hogā

lutf jab hai ki Tapakte raheñ tham kar aañsū

sail-e-ashk aaya to ai dīda-e-tar kyā hogā

dil meñ ho yād-e-ḳhudā aur sanam pesh-e-nazar

aise unvāñ ke liye zauq-e-nazar kyā hogā

hai mazā jab ki Tapaktā rahe aañsū ban kar

bah chalā ḳhuun to anjām-e-jigar kyā hogā

aaj insān kī parvāz hai bālā-e-falak

kal ḳhudā jaane ki anjām-e-bashar kyā hogā

dafn qārūñ kā ḳhazāna hai tah-e-ḳhāk ab tak

zindagī meñ jo na kaam aa.e vo zar kyā hogā

'ātish'-e-ishq na siine meñ agar tez huī

sard aahoñ kā bhalā 'zabt' asar kyā hogā

fikr kya is ki ye dil aur jigar kya hoga

tere saudai ko andesha-e-sar kya hoga

dasht-paimai se diwane ko hasil kya hai

koi manzil nahin jis ki wo safar kya hoga

lutf jab hai ki Tapakte rahen tham kar aansu

sail-e-ashk aaya to ai dida-e-tar kya hoga

dil mein ho yaad-e-KHuda aur sanam pesh-e-nazar

aise unwan ke liye zauq-e-nazar kya hoga

hai maza jab ki Tapakta rahe aansu ban kar

bah chala KHun to anjam-e-jigar kya hoga

aaj insan ki parwaz hai baala-e-falak

kal KHuda jaane ki anjam-e-bashar kya hoga

dafn qarun ka KHazana hai tah-e-KHak ab tak

zindagi mein jo na kaam aae wo zar kya hoga

'atish'-e-ishq na sine mein agar tez hui

sard aahon ka bhala 'zabt' asar kya hoga