fitne jo kai shakl-e-karishmat uThe hain

fitne jo ka.ī shakl-e-karishmāt uThe haiñ

kuchh dil meñ anokhe se ḳhayālāt uThe haiñ

mahfil meñ vo jab bahr-e-mulāqāt uThe haiñ

hamrāz se karte hue kuchh baat uThe haiñ

āñdhī to abhī sahn-e-chaman tak nahīñ pahuñchī

ik jhoñke se sūkhe hue kuchh paat uThe haiñ

hir-phir ke vahī sāmne thā parda-e-auhām

kahne hī ko āñkhoñ se hijābāt uThe haiñ

man mast haiñ is tarah ravāñ nafs ke pīchhe

sar karne ko goyā ki muhimmāt uThe haiñ

ai shaiḳh na ye kufr na fitna hai na shar hai

ik ham bhī sunāne ko na.ī baat uThe haiñ

sairābī-e-jāñ dekh ki ham bazm se us kī

āñkhoñ meñ basā.e hue barsāt uThe haiñ

fitne jo kai shakl-e-karishmat uThe hain

kuchh dil mein anokhe se KHayalat uThe hain

mahfil mein wo jab bahr-e-mulaqat uThe hain

hamraaz se karte hue kuchh baat uThe hain

aandhi to abhi sahn-e-chaman tak nahin pahunchi

ek jhonke se sukhe hue kuchh pat uThe hain

hir-phir ke wahi samne tha parda-e-auham

kahne hi ko aankhon se hijabaat uThe hain

man mast hain is tarah rawan nafs ke pichhe

sar karne ko goya ki muhimmat uThe hain

ai shaiKH na ye kufr na fitna hai na shar hai

ek hum bhi sunane ko nai baat uThe hain

sairabi-e-jaan dekh ki hum bazm se us ki

aankhon mein basae hue barsat uThe hain