fitrat-e-ahbab se mahram rahe

fitrat-e-ahbāb se mahram rahe

ḳhush rahe hālāñki sarf-e-ġham rahe

jab tak is dār-e-fanā meñ ham rahe

mubtalā-e-gardish-e-paiham rahe

ham bane haiñ taḳhta-e-mashq-e-sitam

imtihāñ-gāh-e-vafā meñ ham rahe

fasl-e-gul meñ bhī rahā ḳhauf-e-ḳhizāñ

ham ba-har-hālat asīr-e-ġham rahe

gul meñ bhī aatī rahī bū-e-turāb

hāsil-e-daurāñ se ham mahram rahe

gardishoñ ne talḳh kar dī zindagī

maut se ham phir bhī nā-mahram rahe

un ke jaur-o-zulm se aa.ī na maut

haa.e ye altāf bhī to kam rahe

kaun sī 'bismil' meñ aisī baat thī

muddatoñ is maut pe mātam rahe

fitrat-e-ahbab se mahram rahe

KHush rahe haalanki sarf-e-gham rahe

jab tak is dar-e-fana mein hum rahe

mubtala-e-gardish-e-paiham rahe

hum bane hain taKHta-e-mashq-e-sitam

imtihan-gah-e-wafa mein hum rahe

fasl-e-gul mein bhi raha KHauf-e-KHizan

hum ba-har-haalat asir-e-gham rahe

gul mein bhi aati rahi bu-e-turab

hasil-e-dauran se hum mahram rahe

gardishon ne talKH kar di zindagi

maut se hum phir bhi na-mahram rahe

un ke jaur-o-zulm se aai na maut

hae ye altaf bhi to kam rahe

kaun si 'bismil' mein aisi baat thi

muddaton is maut pe matam rahe