fitratan apne hi aalam se thi ghabrai hui

fitratan apne hī 'ālam se thī ghabrā.ī huī

vo nazar mere tasavvur meñ thī sharmā.ī huī

ek 'ālam thā nigāh-e-shauq ke e'jāz kā

ab adā-e-husn-e-jalva aap kī chhā.ī huī

dekhne vāloñ ne dekhā hai taḌaptā rāt-din

ye musībat mere sar par aap kī laa.ī huī

kar ga.ī mahfil mo'attar zulf lahrāte hue

phuul kī ḳhushbū thī yā thī zulf mahkā.ī huī

is qadar shohrat milī sab kā fasāna ho ga.ī

dāstāñ merī zabān-e-shauq par aa.ī huī

ārzūoñ kā lahū āñkhoñ se zāhir ho gayā

har kalī thī gulshan-e-hastī meñ kum.hlā.ī huī

aap kī bātoñ pe vo bhī ġhaur farmāne lage

aap kī bātoñ meñ 'qaisar' kitnī gahrā.ī huī

fitratan apne hi 'alam se thi ghabrai hui

wo nazar mere tasawwur mein thi sharmai hui

ek 'alam tha nigah-e-shauq ke e'jaz ka

ab ada-e-husn-e-jalwa aap ki chhai hui

dekhne walon ne dekha hai taDapta raat-din

ye musibat mere sar par aap ki lai hui

kar gai mahfil mo'attar zulf lahraate hue

phul ki KHushbu thi ya thi zulf mahkai hui

is qadar shohrat mili sab ka fasana ho gai

dastan meri zaban-e-shauq par aai hui

aarzuon ka lahu aankhon se zahir ho gaya

har kali thi gulshan-e-hasti mein kumhlai hui

aap ki baaton pe wo bhi ghaur farmane lage

aap ki baaton mein 'qaisar' kitni gahrai hui