fughan-e-nim-shabi mein koi asar de de
fuġhān-e-nīm-shabī meñ koī asar de de
jo ho sake to duāoñ kā ab samar de de
visāl-e-yār ki jis meñ charāġh jalte hoñ
mire nasīb ko aisā hī ik nagar de de
bas ik savāl hai us ke buland mansab se
qafas-nasīb ko mumkin hai koī ghar de de
maiñ apne zaḳhm ḳhud apne lahū se sīñchūñgī
mujhe qarār na de koī chāragar de de
vo aañkh bujh ga.ī jis se charāġh jalte the
tamām tiira gharoñ meñ koī ḳhabar de de
maiñ āshiyāne ke tinke sajā.e baiThī huuñ
havā ke haath meñ nanhā sā ik sharar de de
maiñ us ke zarf ke baare meñ aur kyā likkhūñ
jo apne sahn se duniyā ko rahguzar de de
gunah savāb ke saare hī rañg hoñ us meñ
farishta chhoḌ ke mujh ko koī bashar de de
ye raat baḌh ga.ī 'īmāñ' koī ḳhudā ke liye
ḳhudā se kah do ki lillāh hameñ sahar de de
fughan-e-nim-shabi mein koi asar de de
jo ho sake to duaon ka ab samar de de
visal-e-yar ki jis mein charagh jalte hon
mere nasib ko aisa hi ek nagar de de
bas ek sawal hai us ke buland mansab se
qafas-nasib ko mumkin hai koi ghar de de
main apne zaKHm KHud apne lahu se sinchungi
mujhe qarar na de koi chaaragar de de
wo aankh bujh gai jis se charagh jalte the
tamam tera gharon mein koi KHabar de de
main aashiyane ke tinke sajae baiThi hun
hawa ke hath mein nanha sa ek sharar de de
main us ke zarf ke bare mein aur kya likkhun
jo apne sahn se duniya ko rahguzar de de
gunah sawab ke sare hi rang hon us mein
farishta chhoD ke mujh ko koi bashar de de
ye raat baDh gai 'iman' koi KHuda ke liye
KHuda se kah do ki lillah hamein sahar de de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
