furqat mein tujhko maine pukara kabhi kabhi

furqat meñ tujh ko maiñ ne pukārā kabhī kabhī

miltā hai dard ko bhī sahārā kabhī kabhī

terā pata na koī bhī mujh ko batā sakā

har āstāñ pe tujh ko pukārā kabhī kabhī

rahbar ne pher lī haiñ nigāheñ to kyā huā

rahzan se bhī milā hai sahārā kabhī kabhī

umr-e-darāz mujh ko vo shāyad atā kare

paañv ko maiñ ne apne pasārā kabhī kabhī

sajde kiye haiñ dar pe tire maiñ ne baar baar

furqat kā vaqt aise guzārā kabhī kabhī

tere hī naaz maiñ ne uThā.e haiñ raat din

gesū-e-ambarīñ ko sañvārā kabhī kabhī

dil ko 'rafīq' Dūbte dekhā hai bārhā

yādoñ ne us ko phir bhī ubhārā kabhī kabhī

furqat mein tujh ko main ne pukara kabhi kabhi

milta hai dard ko bhi sahaara kabhi kabhi

tera pata na koi bhi mujh ko bata saka

har aastan pe tujh ko pukara kabhi kabhi

rahbar ne pher li hain nigahen to kya hua

rahzan se bhi mila hai sahaara kabhi kabhi

umr-e-daraaz mujh ko wo shayad ata kare

panw ko main ne apne pasara kabhi kabhi

sajde kiye hain dar pe tere main ne bar bar

furqat ka waqt aise guzara kabhi kabhi

tere hi naz main ne uThae hain raat din

gesu-e-ambarin ko sanwara kabhi kabhi

dil ko 'rafiq' Dubte dekha hai barha

yaadon ne us ko phir bhi ubhaara kabhi kabhi