fursat ek dam ki hai jun habab pani yan

fursat ek dam kī hai juuñ habāb paanī yaañ

ḳhaak ser ho kiije sair-e-zindagānī yaañ

ab to muñh dikhā apnā kaash ke tū ai piirī

mil ga.ī tirī ḳhātir ḳhaak meñ javānī yaañ

kyā ye pairahan tan kā juuñ habāb chamke thā

bāñdhī hai havā merī tū ne nā-tavānī yaañ

vaqt-e-girya mauzūñ ho kyuuñ na aah kā misra.a

rafta rafta ashk apnā ban gayā fuġhānī yaañ

jān-e-man mujhe har dam terā pās-e-ḳhātir hai

is liye maiñ kartā huuñ dam kī pāsbānī yaañ

us ke tīr-e-mizhgāñ se ho gayā jo dil chhalnī

besha-e-niyastāñ kī ham ne ḳhaak chhānī yaañ

gher tū ne jaame kā be-tarah baḌhāyā hai

ab zamīn nāpegā daur-e-āsmānī yaañ

aage us kī qāmat ke ek din jo akḌā thā

ḳhuub sā banā sīdhā sarv-e-bostānī yaañ

yaar kī galī maiñ tū jā ke baiTh mat rahnā

haal par mire rakhnā chashm-e-mehrbānī yaañ

qāsid-e-sarishk apnī tujh se hai ġharaz itnī

khaa.e gar vahāñ khānā piijo aa ke paanī yaañ

ḳhaar se ḳhalish rakhnā ai 'nasīr' bejā hai

hai ye ābla-pā.ī vaj.h-e-sar-girānī yaañ

fursat ek dam ki hai jun habab pani yan

KHak ser ho kije sair-e-zindagani yan

ab to munh dikha apna kash ke tu ai piri

mil gai teri KHatir KHak mein jawani yan

kya ye pairahan tan ka jun habab chamke tha

bandhi hai hawa meri tu ne na-tawani yan

waqt-e-girya mauzun ho kyun na aah ka misra

rafta rafta ashk apna ban gaya fughani yan

jaan-e-man mujhe har dam tera pas-e-KHatir hai

is liye main karta hun dam ki pasbani yan

us ke tir-e-mizhgan se ho gaya jo dil chhalni

besha-e-niyastan ki hum ne KHak chhani yan

gher tu ne jame ka be-tarah baDhaya hai

ab zamin napega daur-e-asmani yan

aage us ki qamat ke ek din jo akDa tha

KHub sa bana sidha sarw-e-bostani yan

yar ki gali main tu ja ke baiTh mat rahna

haal par mere rakhna chashm-e-mehrbani yan

qasid-e-sarishk apni tujh se hai gharaz itni

khae gar wahan khana pijo aa ke pani yan

KHar se KHalish rakhna ai 'nasir' beja hai

hai ye aabla-pai wajh-e-sar-girani yan