fusun-zada hain hawaen manzar tamam mashur chup paDe hain

fusūñ-zada haiñ havā.eñ manzar tamām mas.hūr chup paḌe haiñ

siyāh nairañg nīm-shab kā sitāre jhuk jhuk ke dekhte haiñ

sahar kī lau meñ jalā rahī hai sabā kañval rañg-o-bū meñ tar haiñ

daraḳht saare sajā.e motī kī thāliyāñ saf-ba-saf khaḌe haiñ

hazār rāteñ guzar ga.iiñ ik hamāre hī ġham kī shab na guzrī

ujāle ḳhā.if siyah-kade se badal ke rasta nikal rahe haiñ

dhaḌakte dil jaisī sā.atoñ vaale roz-o-shab ab kahāñ se laa.eñ

gire hue ḳhushk mausamoñ meñ na jaane kab ke vo kho chuke haiñ

is ek hī zindagī meñ kitne janam liye baar baar ham ne

aur ab ye roz jaan de de ke kyuuñ jiye baiThe sochte haiñ

haqīqateñ yuuñ nahīñ badaltīñ ba-ḳhūbī ma.alūm hai hameñ bhī

farār hone ko ḳhud se kuchh ḳhvāb-zār phir bhī banā liye haiñ

ḳhud apnī ḳhvāhish pe jaan dene kā naam rakkhā hai ishq-o-ulfat

huā havas meñ ye ḳhud-farebī ke jaal kyā dil-nashīñ bune haiñ

fusun-zada hain hawaen manzar tamam mashur chup paDe hain

siyah nairang nim-shab ka sitare jhuk jhuk ke dekhte hain

sahar ki lau mein jala rahi hai saba kanwal rang-o-bu mein tar hain

daraKHt sare sajae moti ki thaaliyan saf-ba-saf khaDe hain

hazar raaten guzar gain ek hamare hi gham ki shab na guzri

ujale KHaif siyah-kade se badal ke rasta nikal rahe hain

dhaDakte dil jaisi saaton wale roz-o-shab ab kahan se laen

gire hue KHushk mausamon mein na jaane kab ke wo kho chuke hain

is ek hi zindagi mein kitne janam liye bar bar hum ne

aur ab ye roz jaan de de ke kyun jiye baiThe sochte hain

haqiqaten yun nahin badaltin ba-KHubi malum hai hamein bhi

farar hone ko KHud se kuchh KHwab-zar phir bhi bana liye hain

KHud apni KHwahish pe jaan dene ka nam rakkha hai ishq-o-ulfat

hua hawas mein ye KHud-farebi ke jal kya dil-nashin bune hain