ghaalib ke shahr mir ki basti mein aa gae

'ġhālib' ke shahr 'mīr' kī bastī meñ aa ga.e

ham log gaañv chhoḌ ke dillī meñ aa ga.e

jab tajrabāt dil kī ravānī meñ aa ga.e

alfāz sab hisār-e-ma.ānī meñ aa ga.e

ḳhush-fahm log Dūbne vāloñ meñ the shumār

vo bach ga.e jo nuuh kī kashtī meñ aa ga.e

kal tak thā jin ko apnī shahanshāhiyat kā zo'm

ai husn vo bhī terī ġhulāmī meñ aa ga.e

'ghaalib' ke shahr 'mir' ki basti mein aa gae

hum log ganw chhoD ke dilli mein aa gae

jab tajrabaat dil ki rawani mein aa gae

alfaz sab hisar-e-maani mein aa gae

KHush-fahm log Dubne walon mein the shumar

wo bach gae jo nuh ki kashti mein aa gae

kal tak tha jin ko apni shahanshahiyat ka zo'm

ai husn wo bhi teri ghulami mein aa gae