ghaar mein aa gae par pata hi na tha aur bhi log hain

ġhaar meñ aa ga.e par pata hī na thā aur bhī log haiñ

ham ne āvāz dī to ye ham par khulā aur bhī log haiñ

koī mānūs ḳhushbū samundar kī tah se batātī phire

kashtiyāñ khene vaale tumhāre sivā aur bhī log haiñ

apne hone na hone kī uljhan azal se hai ik mas.ala

ek tum hī nahīñ zindagī se ḳhafā aur bhī log haiñ

is mohabbat kī chorī ko āhista āhista khā aur pachā

ye tabarruk nigal tū nahīñ dostā aur bhī log haiñ

shahr-e-hijrāñ kī dīvār par the ye harf-e-tasallī likhe

ek ham hī nahīñ shahr meñ lā-davā aur bhī log haiñ

ghaar mein aa gae par pata hi na tha aur bhi log hain

hum ne aawaz di to ye hum par khula aur bhi log hain

koi manus KHushbu samundar ki tah se batati phire

kashtiyan khene wale tumhaare siwa aur bhi log hain

apne hone na hone ki uljhan azal se hai ek masala

ek tum hi nahin zindagi se KHafa aur bhi log hain

is mohabbat ki chori ko aahista aahista kha aur pacha

ye tabarruk nigal tu nahin dosta aur bhi log hain

shahr-e-hijran ki diwar par the ye harf-e-tasalli likhe

ek hum hi nahin shahr mein la-dawa aur bhi log hain