gae dinon ki musafirat ka ba-yak-qalam ishtihaar likhna

ga.e dinoñ kī musāfirat kā ba-yak-qalam ishtihār likhnā

mire pasīne kā pyaar likhnā lahū kā apne qarār likhnā

ajab hai kyā merī samt aa kar tamām patthar mahak uTheñge

tumhāre atrāf kis qadar hai mire ḳhatoñ kā hisār likhnā

dalīl chāhe agar qalam merī tarah āñkhoñ ko muuñd lenā

tamām andhī nigāh vāloñ ko be-jhijak shab-guzār likhnā

hinā ko tarse hue kaf-e-pā kā jaal Tuk ruk ke pūchh lenā

kahāñ talak ābdāriyoñ meñ hai surḳh sabze kī dhaar likhnā

ukhaḌ ke dahlīz dar kī chaukhaT se kitnī duur pe jā paḌī hai

hai kitnī shiddat se un rutoñ meñ tumheñ merā intizār likhnā

maiñ jāntā huuñ khaTak rahī hai tumheñ mirī muntashir dimāġhī

bhare-pure shahr meñ utar kar mirā mujhe be-dayār likhnā

gae dinon ki musafirat ka ba-yak-qalam ishtihaar likhna

mere pasine ka pyar likhna lahu ka apne qarar likhna

ajab hai kya meri samt aa kar tamam patthar mahak uThenge

tumhaare atraf kis qadar hai mere KHaton ka hisar likhna

dalil chahe agar qalam meri tarah aankhon ko mund lena

tamam andhi nigah walon ko be-jhijak shab-guzar likhna

hina ko tarse hue kaf-e-pa ka jal Tuk ruk ke puchh lena

kahan talak aabdariyon mein hai surKH sabze ki dhaar likhna

ukhaD ke dahliz dar ki chaukhaT se kitni dur pe ja paDi hai

hai kitni shiddat se un ruton mein tumhein mera intizar likhna

main jaanta hun khaTak rahi hai tumhein meri muntashir dimaghi

bhare-pure shahr mein utar kar mera mujhe be-dayar likhna