gahraiyon se mujhko kisi ne nikal ke

gahrā.iyoñ se mujh ko kisī ne nikāl ke

pheñkā hai āsmān kī jānib uchhāl ke

maiñ ne zamīñ ko naap liyā āsmān tak

nazroñ meñ fāsle haiñ urūj-o-zavāl ke

chehre har ik se pūchh rahe haiñ koī javāb

sho.aloñ pe kuchh nishān lage haiñ savāl ke

log meñ ab vo charb-zabānī nahīñ rahī

yā hijr meñ udaas haiñ qisse visāl ke

har shaḳhs se milā huuñ baḌī ehtiyāt se

har shaḳhsiyyat ko maiñ ne paḌhā hai sambhāl ke

ab shā.irī se sirf hai lafzoñ kā vāsta

rishte tamām ho ga.e fikr-o-ḳhayāl ke

gahraiyon se mujh ko kisi ne nikal ke

phenka hai aasman ki jaanib uchhaal ke

main ne zamin ko nap liya aasman tak

nazron mein fasle hain uruj-o-zawal ke

chehre har ek se puchh rahe hain koi jawab

shoalon pe kuchh nishan lage hain sawal ke

log mein ab wo charb-zabani nahin rahi

ya hijr mein udas hain qisse visal ke

har shaKHs se mila hun baDi ehtiyat se

har shaKHsiyyat ko main ne paDha hai sambhaal ke

ab shairi se sirf hai lafzon ka wasta

rishte tamam ho gae fikr-o-KHayal ke