gahre samundaron mein bil-aKHir utar gae

gahre samundaroñ meñ bil-āḳhir utar ga.e

ḳhush-fahmiyoñ kā zahr piyā aur mar ga.e

ham ahd-e-nau ke log bhī allāh kī panāh

kaasa uThā.e haath meñ apne hī ghar ga.e

kuchh log uḌ rahe the havāoñ ke dosh par

kyā jaane kis ḳhayāl se ham bhī udhar ga.e

kal raat pī-pilā ke baḌī mastiyāñ huiiñ

āḳhir ko thak-thakā ke phir apne hī ghar ga.e

kyā kyā na ban rahe the miyāñ hazrat-e-'nadīm'

sūraj ko chhūne nikle the saa.e se Dar ga.e

gahre samundaron mein bil-aKHir utar gae

KHush-fahmiyon ka zahr piya aur mar gae

hum ahd-e-nau ke log bhi allah ki panah

kasa uThae hath mein apne hi ghar gae

kuchh log uD rahe the hawaon ke dosh par

kya jaane kis KHayal se hum bhi udhar gae

kal raat pi-pila ke baDi mastiyan huin

aaKHir ko thak-thaka ke phir apne hi ghar gae

kya kya na ban rahe the miyan hazrat-e-'nadim'

suraj ko chhune nikle the sae se Dar gae