ghair mumkin to nahin sahab-e-irfan hona

ġhair mumkin to nahīñ sāhab-e-irfāñ honā

shart hai sang-e-malāmat pe bhī ḳhandāñ honā

chhoḌ kar lāla-o-gul ḳhār-ba-dāmāñ honā

aaj ke daur meñ dushvār hai insāñ honā

daur-e-hāzir pe ye ik tanz nahīñ phir kyā hai

koī insān nazar aa.e to hairāñ honā

ain-fitrat hai jinheñ ġham hī mile hoñ un ko

koī ummīd nazar aa.e to hairāñ honā

apne hālāt kī zanjīr bhī dekho logo

sab kī qismat meñ kahāñ nāzish-e-daurāñ honā

daur-e-jamhūr meñ bhī jurm hai hairat hai yahī

ek nādār ke dil meñ koī armāñ honā

had se ehsās ke baḌhne kā hai anjām 'rafī.a'

apnī hastī ke liye aap hī zindāñ honā

ghair mumkin to nahin sahab-e-irfan hona

shart hai sang-e-malamat pe bhi KHandan hona

chhoD kar lala-o-gul KHar-ba-daman hona

aaj ke daur mein dushwar hai insan hona

daur-e-hazir pe ye ek tanz nahin phir kya hai

koi insan nazar aae to hairan hona

ain-fitrat hai jinhen gham hi mile hon un ko

koi ummid nazar aae to hairan hona

apne haalat ki zanjir bhi dekho logo

sab ki qismat mein kahan nazish-e-dauran hona

daur-e-jamhur mein bhi jurm hai hairat hai yahi

ek nadar ke dil mein koi arman hona

had se ehsas ke baDhne ka hai anjam 'rafia'

apni hasti ke liye aap hi zindan hona