ghair ne sar uTha ke dekh liya

ġhair ne sar uThā ke dekh liyā

juute do chaar khā ke dekh liyā

hai akhāḌe ke na.al se bhārī

us kā ġhamza uThā ke dekh liyā

paḌ ga.ī apne paañv meñ zanjīr

sar se sahrā bañdhā ke dekh liyā

saikḌoñ aaj paḌ ga.iiñ chapteñ

shaiḳh jī sur ghaTā ke dekh liyā

na huā raam vo but-e-kāfir

ham ne ghanTā bajā ke dekh liyā

vasl se mere sar hilāte haiñ

shaiḳh saddū manā ke dekh liyā

ġhash nahīñ ġhair ko ye mirgī hai

ham ne juutā suñghā ke dekh liyā

nafs-e-nāpāk be-hayā kutte

ham ne tujh ko hilā ke dekh liyā

lo nikalvā dī ġhair kī pathrī

zulf-e-mushkīñ suñghā ke dekh liyā

ghaT gayā ai 'ināyat' apnā zor

rabt un se baḌhā ke dekh liyā

ghair ne sar uTha ke dekh liya

jute do chaar kha ke dekh liya

hai akhaDe ke nal se bhaari

us ka ghamza uTha ke dekh liya

paD gai apne panw mein zanjir

sar se sahra bandha ke dekh liya

saikDon aaj paD gain chapten

shaiKH ji sur ghaTa ke dekh liya

na hua ram wo but-e-kafir

hum ne ghanTa baja ke dekh liya

wasl se mere sar hilate hain

shaiKH saddu mana ke dekh liya

ghash nahin ghair ko ye mirgi hai

hum ne juta sungha ke dekh liya

nafs-e-napak be-haya kutte

hum ne tujh ko hila ke dekh liya

lo nikalwa di ghair ki pathri

zulf-e-mushkin sungha ke dekh liya

ghaT gaya ai 'inayat' apna zor

rabt un se baDha ke dekh liya