ghair se bad-guman ho jate

ġhair se bad-gumān ho jaate

merī sunte to kaan ho jaate

mehrbāñ āsmān ho jaate

aap agar mehrbān ho jaate

mere ghar mehmān ho jaate

dil meñ tum aa ke jaan ho jaate

jaate ham zaar us galī meñ agar

zarre bhī āsmān ho jaate

pīr-e-fānī ko vaqt-e-bāda-kashī

ham ne dekhā javān ho jaate

naam merā jo bazm meñ aatā

mere lākhoñ bayān ho jaate

dil to kahtā hai lutf-e-vasl ye thā

jān-e-man merī jaan ho jaate

kahte terī sī barg-e-gul bulbul

ye bhī terī zabān ho jaate

bose kyā le koī tasavvur meñ

ki haiñ ruḳh par nishān ho jaate

zulm dhāte jo aate turbat par

farsh-e-rah āsmān ho jaate

bādaloñ meñ jo mai bharī hotī

jhuk ke ūñchī dukān ho jaate

shaiḳh jī mai-kada vo jannat hai

tum bhī jā kar javān ho jaate

pāsbāñ to raqīb ban jaatā

ham tire pāsbān ho jaate

milte kam-umr mah-jabīñ jo 'riyāz'

ham abhī naujavān ho jaate

ghair se bad-guman ho jate

meri sunte to kan ho jate

mehrban aasman ho jate

aap agar mehrban ho jate

mere ghar mehman ho jate

dil mein tum aa ke jaan ho jate

jate hum zar us gali mein agar

zarre bhi aasman ho jate

pir-e-fani ko waqt-e-baada-kashi

hum ne dekha jawan ho jate

nam mera jo bazm mein aata

mere lakhon bayan ho jate

dil to kahta hai lutf-e-wasl ye tha

jaan-e-man meri jaan ho jate

kahte teri si barg-e-gul bulbul

ye bhi teri zaban ho jate

bose kya le koi tasawwur mein

ki hain ruKH par nishan ho jate

zulm dhate jo aate turbat par

farsh-e-rah aasman ho jate

baadalon mein jo mai bhari hoti

jhuk ke unchi dukan ho jate

shaiKH ji mai-kada wo jannat hai

tum bhi ja kar jawan ho jate

pasban to raqib ban jata

hum tere pasban ho jate

milte kam-umr mah-jabin jo 'riyaz'

hum abhi naujawan ho jate