ghair udhar lutf-o-karam se mahzuz

ġhair udhar lutf-o-karam se mahzūz

ham idhar zulm-o-sitam se mahzūz

hai ḳhushī par tirī mauqūf ḳhushī

kyoñ na huuñ ranj-o-alam se mahzūz

baiThne vaale tirī mahfil ke

hoñge kyā bāġh-e-iram se mahzūz

zindagī se mirī duniyā aajiz

ek aalam tire dam se mahzūz

āsmāñ par hai dimāġh-e-vā.iz

aaj aayā hai haram se mahzūz

nār-e-dozaḳh se bachā.eñge yahī

kyoñ na hoñ dīda-e-nam se mahzūz

kam haiñ allāh ke bande aise

jo na hoñ jāh-o-hasham se mahzūz

mujh ko ġham ain-e-ḳhushī ho jaa.e

aap hoñ to mire ġham se mahzūz

jaate haiñ ho ke adam ko ġhamgīñ

aate haiñ log adam se mahzūz

kabhī hañsnā kabhī ronā-dhonā

be-ḳhudī hī shab-e-ġham se mahzūz

ham to 'mas.ūd' rahe duniyā meñ

dair se shaad haram se mahzūz

ghair udhar lutf-o-karam se mahzuz

hum idhar zulm-o-sitam se mahzuz

hai KHushi par teri mauquf KHushi

kyon na hun ranj-o-alam se mahzuz

baiThne wale teri mahfil ke

honge kya bagh-e-iram se mahzuz

zindagi se meri duniya aajiz

ek aalam tere dam se mahzuz

aasman par hai dimagh-e-waiz

aaj aaya hai haram se mahzuz

nar-e-dozaKH se bachaenge yahi

kyon na hon dida-e-nam se mahzuz

kam hain allah ke bande aise

jo na hon jah-o-hasham se mahzuz

mujh ko gham ain-e-KHushi ho jae

aap hon to mere gham se mahzuz

jate hain ho ke adam ko ghamgin

aate hain log adam se mahzuz

kabhi hansna kabhi rona-dhona

be-KHudi hi shab-e-gham se mahzuz

hum to 'masud' rahe duniya mein

dair se shad haram se mahzuz