ghairat-e-gul hai tu aur chaak-gareban hum hain

ġhairat-e-gul hai tū aur chāk-garebāñ ham haiñ

rashk-e-sumbul hai tirī zulf pareshāñ ham haiñ

nā-tavāñ chashm tirī ham haiñ asā ke muhtāj

nit kī bīmār vo aur tālib-e-darmāñ ham haiñ

rashk-e-tūtī hai ḳhat-e-sabz tirā ham goyā

donoñ aariz haiñ tire aa.ina hairāñ ham haiñ

āj-kal haa.e tire naaz ke hāthoñ ai yaar

sadma pahuñche hai tire qalb ko nālāñ ham haiñ

lāla-rūyoñ kī mohabbat meñ ab ai sarv-e-sahī

sar-ba-sar daaġh tū aur sarv-e-ḳhirāmāñ ham haiñ

ham asīr-e-ḳham-e-mū tere hamārā tū raam

ḳhātim-e-jam hai tire paas sulaimāñ ham haiñ

tū suḳhan-sanj 'baqā' naam hamārā mash.hūr

ḳhātim-e-jam hai tire paas sulaimāñ ham haiñ

ghairat-e-gul hai tu aur chaak-gareban hum hain

rashk-e-sumbul hai teri zulf pareshan hum hain

na-tawan chashm teri hum hain asa ke muhtaj

nit ki bimar wo aur talib-e-darman hum hain

rashk-e-tuti hai KHat-e-sabz tera hum goya

donon aariz hain tere aaina hairan hum hain

aaj-kal hae tere naz ke hathon ai yar

sadma pahunche hai tere qalb ko nalan hum hain

lala-ruyon ki mohabbat mein ab ai sarw-e-sahi

sar-ba-sar dagh tu aur sarw-e-KHiraman hum hain

hum asir-e-KHam-e-mu tere hamara tu ram

KHatim-e-jam hai tere pas sulaiman hum hain

tu suKHan-sanj 'baqa' nam hamara mashhur

KHatim-e-jam hai tere pas sulaiman hum hain