gale lag kar mere wo jaane hansta tha ki rota tha

gale lag kar mire vo jaane hañstā thā ki rotā thā

na khul kar dhuup phailī thī na bādal khul ke barsā thā

kabhī dil bhī nahīñ ik zaḳhm āñkhoñ kī jagah aañsū

kabhī maiñ bhī na thā bas Diary meñ sher likkhā thā

vo har pal saath hai mere kahāñ tak us ko maiñ dekhūñ

ga.e vo din ki us ke naam par bhī dil dhaḌaktā thā

yahāñ har kashtī-e-jāñ par ka.ī māñjhī muqarrar the

udhar sāzish thī paanī kī idhar qaziya havā kā thā

chhupā kar le gayā apne dukhoñ ko saarī duniyā se

lagā thā yuuñ to ham tum sā vo jādūgar balā kā thā

gale lag kar mere wo jaane hansta tha ki rota tha

na khul kar dhup phaili thi na baadal khul ke barsa tha

kabhi dil bhi nahin ek zaKHm aankhon ki jagah aansu

kabhi main bhi na tha bas Diary mein sher likkha tha

wo har pal sath hai mere kahan tak us ko main dekhun

gae wo din ki us ke nam par bhi dil dhaDakta tha

yahan har kashti-e-jaan par kai manjhi muqarrar the

udhar sazish thi pani ki idhar qaziya hawa ka tha

chhupa kar le gaya apne dukhon ko sari duniya se

laga tha yun to hum tum sa wo jadugar bala ka tha