gale milte hue wapas palaT jaega sahib

gale milte hue vāpas palaT jā.egā sāhib

ġhubāra dhuup meñ jaate hī phaT jā.egā sāhib

hamāre dil pe jitne log qābiz ho rahe haiñ

ye patthar to ka.ī TukḌoñ meñ baT jā.egā sāhib

musībat meñ sahāre kī talab kis ko nahīñ hai

añdherā raushnī se ḳhud lipaT jā.egā sāhib

diloñ meñ rahne vaale kal laboñ par aa raheñge

badan kā ḳhuun āñkhoñ meñ simaT jā.egā sāhib

hamāre shar se koī chiiz kaise bach sakegī

mujhe lagtā hai ye jangal bhī kaT jā.egā sāhib

ḳhudā aur aadmī meñ pādrī kī jā nahīñ hai

ufuq se ek din ye abr chhaT jā.egā sāhib

mohabbat meñ anāḌī-pan bahut nuqsān-deh hai

ye jhūlā pahle chakkar meñ ulaT jā.egā sāhib

agar kuchh pūchhnā hai apne sahrāoñ se pūchheñ

samundar aap ke raste se haT jā.egā sāhib

gale milte hue wapas palaT jaega sahib

ghubara dhup mein jate hi phaT jaega sahib

hamare dil pe jitne log qabiz ho rahe hain

ye patthar to kai TukDon mein baT jaega sahib

musibat mein sahaare ki talab kis ko nahin hai

andhera raushni se KHud lipaT jaega sahib

dilon mein rahne wale kal labon par aa rahenge

badan ka KHun aankhon mein simaT jaega sahib

hamare shar se koi chiz kaise bach sakegi

mujhe lagta hai ye jangal bhi kaT jaega sahib

KHuda aur aadmi mein padri ki ja nahin hai

ufuq se ek din ye abr chhaT jaega sahib

mohabbat mein anaDi-pan bahut nuqsan-deh hai

ye jhula pahle chakkar mein ulaT jaega sahib

agar kuchh puchhna hai apne sahraon se puchhen

samundar aap ke raste se haT jaega sahib