gali se teri jo Tuk ho ke aadmi nikle

galī se terī jo Tuk ho ke aadmī nikle

to us ke saaya se jhaT ban ke ik parī nikle

ḳhayāl meñ tire chehre kī mar gayā ho jo shaḳhs

to us kī ḳhaak se sone kī aarsī nikle

ba.iid shaan se āshiq ke aah bharnī thī

valī vo kyā kare jab us kī jaan hī nikle

kisī ke hosh ko kah do agar chalā chāhe

to apne ghar se kamar bāñdh kar abhī nikle

nishān-e-āh liye chhāñv chhāñv tāroñ ke

chalegī fauj-e-sarishk aaj chāñdnī nikle

kajī tabī.at-e-kaj-fahm se ho tab munfak

kisī davā se dum-e-sag ke gar kajī nikle

hazār shukr ki 'inshā' kisī kī mahfil meñ

ḳhafā se aa.e the par ho hañsī-ḳhushī nikle

gali se teri jo Tuk ho ke aadmi nikle

to us ke saya se jhaT ban ke ek pari nikle

KHayal mein tere chehre ki mar gaya ho jo shaKHs

to us ki KHak se sone ki aarsi nikle

baid shan se aashiq ke aah bharni thi

wali wo kya kare jab us ki jaan hi nikle

kisi ke hosh ko kah do agar chala chahe

to apne ghar se kamar bandh kar abhi nikle

nishan-e-ah liye chhanw chhanw taron ke

chalegi fauj-e-sarishk aaj chandni nikle

kaji tabiat-e-kaj-fahm se ho tab munfak

kisi dawa se dum-e-sag ke gar kaji nikle

hazar shukr ki 'insha' kisi ki mahfil mein

KHafa se aae the par ho hansi-KHushi nikle