galim-o-KHirqa aba-o-qaba se lagte hain
galīm-o-ḳhirqa abā-o-qabā se lagte haiñ
ki ahl-e-dil bhī ab ahl-e-riyā se lagte haiñ
visāl-o-hijr ke mausam kuchh aise badle haiñ
ki vo qarīb haiñ lekin judā se lagte haiñ
Dasegā un ko pashemāniyoñ kā saañp zarūr
ki sab hasīn qalopatra se lagte haiñ
kisī se chāragarī kī umiid kyā rakhiye
ki ab to tiir se dil par duā se lagte haiñ
nazar meñ jin kī zamāna nahīñ samātā thā
jo tū nahīñ hai to be aasrā se lagte haiñ
nigāh-e-dost na jā in kī sair-chashmī par
ye tishna-lab to zamānoñ ke pyāse lagte haiñ
jo tai karo to ye lagtā hai umr saarī lage
vo fāsle ki ba-zāhir zarā se lagte haiñ
na iltifāt na begānagī magar phir bhī
kuchh ajnabī se to kuchh āshnā se lagte haiñ
jo duur se nazar aate haiñ be-sutūñ kī tarah
qarīb jā ke jo dekho zarā se lagte haiñ
musāfirān-e-rah-e-dil kahīñ bhī hoñ 'sajjād'
ye dil-girafta baham āshnā se lagte haiñ
galim-o-KHirqa aba-o-qaba se lagte hain
ki ahl-e-dil bhi ab ahl-e-riya se lagte hain
visal-o-hijr ke mausam kuchh aise badle hain
ki wo qarib hain lekin juda se lagte hain
Dasega un ko pashemaniyon ka sanp zarur
ki sab hasin qalopatra se lagte hain
kisi se chaaragari ki umid kya rakhiye
ki ab to tir se dil par dua se lagte hain
nazar mein jin ki zamana nahin samata tha
jo tu nahin hai to be aasra se lagte hain
nigah-e-dost na ja in ki sair-chashmi par
ye tishna-lab to zamanon ke pyase lagte hain
jo tai karo to ye lagta hai umr sari lage
wo fasle ki ba-zahir zara se lagte hain
na iltifat na beganagi magar phir bhi
kuchh ajnabi se to kuchh aashna se lagte hain
jo dur se nazar aate hain be-sutun ki tarah
qarib ja ke jo dekho zara se lagte hain
musafiran-e-rah-e-dil kahin bhi hon 'sajjad'
ye dil-girafta baham aashna se lagte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.