galiyon ki bas KHak uDa ke jaana hai

galiyoñ kī bas ḳhaak uḌā ke jaanā hai

ham ko bhī āvāz lagā ke jaanā hai

raste meñ dīvār hai TuuTe ḳhvāboñ kī

ham ko vo dīvār girā ke jaanā hai

ham bhī ik din aa.egā jab jā.eñge

ham ko bhī ye rasm nibhā ke jaanā hai

jo bhī hai vo sab miTTī ho jā.egā

ham ko bas ik ḳhvāb bachā ke jaanā hai

mere andar sadiyoñ kī ḳhāmoshī hai

tum ko vo āvāz sunā ke jaanā hai

tum ko bhī ik ḳhvāb mukammal karnā thā

ham ko bhī tasvīr banā ke jaanā hai

galiyon ki bas KHak uDa ke jaana hai

hum ko bhi aawaz laga ke jaana hai

raste mein diwar hai TuTe KHwabon ki

hum ko wo diwar gira ke jaana hai

hum bhi ek din aaega jab jaenge

hum ko bhi ye rasm nibha ke jaana hai

jo bhi hai wo sab miTTi ho jaega

hum ko bas ek KHwab bacha ke jaana hai

mere andar sadiyon ki KHamoshi hai

tum ko wo aawaz suna ke jaana hai

tum ko bhi ek KHwab mukammal karna tha

hum ko bhi taswir bana ke jaana hai