gham bhi utna nahin ki tum se kahen

ġham bhī utnā nahīñ ki tum se kaheñ

aur chāra nahīñ ki tum se kaheñ

aaj ham be-karāñ samundar haiñ

tum vo dariyā nahīñ ki tum se kaheñ

yuuñ to marne se chain miltā hai

ye irāda nahīñ ki tum se kaheñ

niilī āñkhoñ kī chāñdnī ke liye

ab añdherā nahīñ ki tum se kaheñ

tum akele nahīñ rahe to kyā

ham bhī tanhā nahīñ ki tum se kaheñ

ab na vo ġham ki apne haath 'obaid'

shabnam-āsā nahīñ ki tum se kaheñ

gham bhi utna nahin ki tum se kahen

aur chaara nahin ki tum se kahen

aaj hum be-karan samundar hain

tum wo dariya nahin ki tum se kahen

yun to marne se chain milta hai

ye irada nahin ki tum se kahen

nili aankhon ki chandni ke liye

ab andhera nahin ki tum se kahen

tum akele nahin rahe to kya

hum bhi tanha nahin ki tum se kahen

ab na wo gham ki apne hath 'obaid'

shabnam-asa nahin ki tum se kahen