gham churaate ro paDe the

ġham churāte ro paḌe the

ham hañsāte ro paḌe the

jo ġhazal thī naam tere

gungunāte ro paḌe the

hañs rahe the kaafī din se

muskurāte ro paḌe the

duur se kahte the ḳhush haiñ

paas aate ro paḌe the

aag dil kī thī bujhānī

ḳhat jalāte ro paḌe the

hijr meñ ye sab sitāre

jhilmilāte ro paḌe the

baḌh gayā thā dard had se

hañste gaate ro paḌe the

shahr ḳhushiyāñ khā gayā thā

gaañv jaate ro paḌe the

'ishq kā thā imtihāñ vo

āzmāte ro paḌe the

soch kaisā vāqi'a thā

dil dukhāte ro paḌe the

gham churaate ro paDe the

hum hansate ro paDe the

jo ghazal thi nam tere

gungunate ro paDe the

hans rahe the kafi din se

muskuraate ro paDe the

dur se kahte the KHush hain

pas aate ro paDe the

aag dil ki thi bujhani

KHat jalate ro paDe the

hijr mein ye sab sitare

jhilmilate ro paDe the

baDh gaya tha dard had se

hanste gate ro paDe the

shahr KHushiyan kha gaya tha

ganw jate ro paDe the

'ishq ka tha imtihan wo

aazmate ro paDe the

soch kaisa waqi'a tha

dil dukhate ro paDe the